暑假學習力 Playbook｜用 Gemini 為小朋友度身訂造

呢份係配合「令小朋友愛上學習嘅三樣關鍵」嗰條片嘅暑假行動指南。我哋會用 Gemini 一步步幫你，為自己小朋友度身訂造一個暑假計劃。唔使排到密密麻麻嘅補習班，只要留返空間，畀小朋友：叻得起、玩得埋、問得多。

🌟 令小朋友愛上學習嘅三樣關鍵

1. 自己叻 — 小朋友會鍾意自己做得好嗰樣嘢。成功感令佢想繼續。
2. 朋友尊重 — 當佢嘅興趣有同伴認同，佢自然投入得更深。
3. 保護好奇心 — 好奇心係與生俱來嘅，你嘅工作唔係由零培養，而係唔好破壞佢。

📝 第一步：畀 Gemini 認識你嘅小朋友

打開 Gemini，將下面呢段 prompt 入面嘅資料填返自己小朋友嘅，然後貼上去。

你係一位幼兒及兒童教育專家，專長係用「成功感、同伴認同、好奇心」三個原則去設計學習活動。

以下係我小朋友嘅資料：
- 年齡：（例如 7 歲）
- 性格：（例如 偏內向、慢熱、鍾意自己一個專注）
- 而家最著迷嘅嘢：（例如 恐龍、煮嘢食、Lego、畫畫）
- 比較抗拒嘅嘢：（例如 寫字、要好多人一齊嘅活動）
- 我哋暑假大概有幾多時間：（例如 平日下午 1-2 個鐘）
- 我哋嘅資源／限制：（例如 預算唔多、冇車）

請你幫我設計一個 6 星期嘅暑假學習計劃，要求：
1. 每星期一個主題，由淺入深，令小朋友逐步感受到「我本來唔識，而家識喇」嘅成功感。
2. 每星期包括至少一個可以同朋友或兄弟姊妹一齊做嘅活動。
3. 每個活動都要保留小朋友發問同探索嘅空間，唔好淨係跟指示。
4. 用繁體中文、香港用語，列點清楚，每個活動寫明大概所需時間同所需材料。

請先用三句話總結你嘅整體思路，然後再列出計劃。

🔧 第二步：一路傾一路改

Gemini 出咗計劃之後，唔好當佢係標準答案。試下用下面呢啲句子繼續調整，直到啱晒你小朋友：

• 呢個活動對佢嚟講可能太難／太淺，可唔可以調整？Copy
• 呢星期我哋其實冇咁多時間，幫我精簡成每日 30 分鐘。Copy
• 佢其實唔鍾意（某活動），有冇其他選擇可以達到同樣效果？Copy
• 邊一個活動最容易約到朋友一齊做？幫我重點標出嚟。Copy
• 呢個活動有咩問題可以問返小朋友，引導佢自己諗？Copy

❓ 第三步：保護好奇心嘅日常法寶

暑假入面小朋友一定會問你一大堆問題。記住一個原則： 唔好急住畀標準答案。

當你自己都唔識答，或者想同小朋友一齊探索，可以咁樣用 Gemini：

我嘅小朋友（X 歲）問咗一個問題：「（小朋友問嘅問題）」

請你：
1. 用一個 X 歲小朋友聽得明嘅方式，簡單解釋答案。
2. 畀我 2-3 條我可以反問返小朋友嘅問題，引導佢自己思考，而唔係淨係聽答案。
3. 建議一個我哋可以喺屋企一齊做嘅簡單小實驗或者觀察活動，去親身驗證呢個答案。

✅ 暑假 Checklist

每個星期，問返自己呢三條問題：

• 今個星期，小朋友有冇試過一樣「本來唔識、而家識」嘅嘢？（自己叻）
• 今個星期，佢有冇同朋友或者家人一齊投入過一個活動？（朋友尊重）
• 今個星期，佢問嘅問題，我有冇好好接住、冇急住打發佢？（保護好奇心）

三條都有 ✅，呢個就係一個成功嘅暑假。

我哋一齊學習，一齊進步 💛